Meny Sök
Sök på EU-upplysningen

Vanliga sökord

Inga vanliga sökord hittades. Pröva att skriva klart ditt sökord och klicka på sökknappen.

Artiklar om EU

Inga artiklar hittades

Frågor och svar om EU

Inga frågor och svar hittades

Kana EU besluta

Kana EU besluta

Europeiska rådet - trissepa maschakri EU'skre rakrepangre

Beslutan drej Europeiska rådet je drom te ja lengro butepa kettane dur ta schukar. Kerena tchi pre laga for EU'ske. Star voltes svakko bersch ascha trissepa. Mansal he möjligt te kera pre buter trissepa.

Europeiska rådet he je rakrepaskro, de EU'skre temengre rakrepangre ta rakrepaskro for kommissionen. Rakrepaskro for Europeiska rådet he vellkerdo vri for dyj ta pasch bersch.

Savo beslutan drej EU?

Kettanes keran pre for neve EU-regler, Svetiko tem ta de vavre kettane. For paske kama Svetiko tem sorr te kera siro stämma schunlo for te de vavren temen te kera pre kettanes mé Svetiko tema'a. Mansal måte Svetiko tem acceptera te ja ninna drej putchepan tchakena tchi kama te.

Tchake jala kana de EU'skre tema kera pre for neve EU-regler:

1. EU-kommissionen dela siro denkrepa pala neve laga

De butepa EU-kommissionen kama he te denkra vri neve laga. Sauren tema kama jek manusch drej kommission. De kommissionära måte kama dikepa for sau EU'skro federa.

2. Regeringen ta riksdagen vellkra rig

Förslag ascha bischtrade to saurene de temene fon EU-kommisionena. For regeringens ta riksdagens drej Svetiko tem. Regeringa dela siro dikepa to riksdagens pala saure förslag, ta regeringen lela lengro dikepa. Regeringen he rakepaskro for Svetiko tems.

3. Europaparlamentet besluta

Europaparlamentet besluta pala de neve laga for EU's. Maschkari ledamöter ascha bisch fon lender vellkrade vri maskral pirone vellkrepa drej Svetiko tem.

Europaparlamenter kera kettane pre mé ministerrådeta de butera putchepan. Maschkari somna putchepa he Europaparlamentet tchi ninna. Tchake for utrikes- ta säkerhetspolitik.

4. Ministerrådet besluta

De Svetiko temeskro regering ta sau vavare regeringa drej EU kama ninna jek minister drej EU'skro ministerråd. De ministerråd besluta de neve EU'skre laga.

Svetiko regering kama glan kava tchiro rakrado pala ta trujal dollen putchepa mé riksdagena.

5. Svetiko tem dela laga

Kana he kerdo je nevo lag fon EU'sta he dova te delas vri drej svakko EU'skro tem. Mansal måte je Svetiko temeskro lag ava parado drej te pasa into kava nevo lag. Mansal pasan di dyj laga jeka vavar ta jalan mischto direkt.

Riksdagen granska

Riksdagen kama tchake de parlamente drej vavare EU'skre tema te granska for te dika å te dela siro dikepa for vavare putchepa to regeringene. Kana EU dela forslag for neve laga for sejli EU's he for uppgift for svakko temeskro parlament te dika palan å te pena om dova he for EU-nivå eller temeskro nivå. Mansal he moske feder for de EU'skre tema te keran pre laga kokare. Dova granskning må ja for EU's te prova förslagen pre nevo.

Kana Svetiko tem na tchi palanjala EU'skre laga

EU-kommissionen dika pre de EU'skre temangre palanjaben for neve laga. Om kommissionen tchi andika te laga aschan palanjane måte Svetiko ava glan EU-skro tchatchopa.

EU'skro tchatchopa kama for butepa te dika om Svetiko tchi he palanjalo de EU'skre lagana. Svetiko temeskre tchatchopan måte ninna rissra siro to dova EU'skro tchatchopa for putchapan pala lag-tolkning.

Om tchomen denkra te EU'skre laga tchi ascha palanjane fon jek EU'skro tem måte dova pukkas to EU-kommissione.

Ordförklaringar

EU-kommissionen

EU-kommissionen föreslår nya EU-lagar och bevakar att EU-länderna följer de regler EU har. Kommissionen har 28 kommissionärer, en från varje EU-land.

Läs mer om EU-kommissionen

Europaparlamentet

Europaparlamentet beslutar om nya EU-lagar tillsammans med ministerrådet. Ledamöter i Europaparlamentet väljs i allmänna val i EU-länderna.

Läs mer om Europaparlamentet

Europeiska rådet

Europeiska rådet bestämmer om riktlinjerna för EU-samarbetet på längre sikt. Europeiska rådet består av en vald ordförande, EU-ländernas stats- eller regeringschefer samt EU-kommissionens ordförande.

Läs mer om Europeiska rådet

Ministerrådet

Ministerrådet beslutar om nya EU-lagar, i de flesta fall tillsammans med Europaparlamentet. Ministerrådet består av 28 ministrar, en från varje EU-lands regering.

Läs mer om Ministerrådet

EU-Kommissionen

  • Kommissonärena ascha te dika de federa for sauro EU's å tchi for siro jegno tems federa.
  • EU-kommissionen he velkrado vri fon de EU'skre temengre regeringana.
  • Europaparlamentet måte godkänna EU-kommisonen.

Europaparlamentet

  • Svakko panschto bersch he vellkrepa for Europaparlamentes.
  • De manuschen drej svakko EU'skro tem vellkra sire ledamöter soles.
  • Tema mé but manuscha kama buter representane fon tema mé tikno manuscha.

Ministerrådet

  • Svakko for aktuel putchepa minister drej regeringa he ninna ministerrådete. For exempel putchepan pala miljö he miljöministeren ninna.
  • Jek del fon putchepana jala mischto kana ministerrådet besluta vrian majoritet. Je del fon putchepan jala allenast om sauren ministrana aschan for dova.

EU-skro tchatchopa

  • De EU'skro tchatchopa kama jek tchatchopaskro fon svakko EU'skro temesta.
  • De tchatchepangre ascha vellkerde vri te ascha doj for schå berscha.
Senast uppdaterad: 2014-03-14

Hade du nytta av denna information?

När du svarar på frågan ovan samtycker du också till att cookies används. Inga personuppgifter lagras. Mer om cookies.